Kommune Kujallermi atuartut inuusuttunut ilinniarfinnut ingerlaqqittartut amerlanerusut
Kommunit malillugit immikkoortiterinermi Kommune Kujallermi meeqqat atuarfiini soraarummeertut inuusuttunut ilinniarfinni aallartissimasut amerlanerupput. Agguaqatigiissillugu Kommune Kujallermi 2014-imiit 2016-imut meeqqat atuarfiannit soraarummeersimasut 57 pct.-ii soraarummeernerup kingorna ukiut marluk ingerlanerini inuusuttunut ilinniarfinni ilinnialersimapput. Akerlianik Kommune Qeqertalimmi ingerlaqqittartut ikinnersaapput. Kommune Qeqertalimmi 2014-imiit 2016-imut meeqqat atuarfiannit soraarummeersimasut agguaqatigiissillugit 45 pct.-ii soraarummeernerup kingorna ukiut marluk ingerlanerini inuusuttunut ilinniarfinni ilinnialersimapput.
Titartagaq 2. Meeqqat atuarfiannik naammassinnereernermi ukiut marluk qaangiunnerini inuusuttunut ilinniarfimmik aallartitsisimasut amerlassusaat, 2014-imiit 2016-imut soraarummeersimasut agguaqatigiissinneri
Nassuiaat: Kommunit ilaat ikittuinnarnik atuartoqartarnerat peqqutigalugu titartagaq ukiunik pingasunik agguaqatigiissitsilluni suliaavoq.
Najoqqutaq: Naatsorsueqqissaartarfik –kisitsisit Kisitsisaataasivimmi takukkit (http://bank.stat.gl/UDNTRFA2).